Битиќи: Опозицијата ја блокира мерката за субвенционирање на зголемени плати
Иако ја објави уште во ноември, виси мерката на Владата за субвенционирање на зголемувањето на платите од 3.000 до 9.000 денари во приватниот сектор како дел од деветиот антикризен пакет.
Оваа мерка дава можност за зголемување на платите во угостителството, градежниот сектор и текстилната индустрија, а за зголемениот износ на платата работодавачот ќе плаќа само данок на личен доход и ќе биде ослободен од плаќање придонеси.
Вицепремиерот за економски прашања Фатмир Битиќи денеска рече дека опозицијата во Собранието преку комисијата за финансирање и буџет ја блокира антикризната мерка со тоа што не сака да отвори дебата.
– За жал тоа е во низата, затоа што требаше да се закаже комисија за финансирање и буџет,преку која, според нашите проценки,преку 150.000 наши сограѓани ќе добиваат повисоки плати од три до девет илјади денари месечно нето,зашто ние рековме дека ќе бидат ослободени од придонесите во тој дел во наредните 12 месеци, рече денеска Битиќи пред медиумите.
