Бислимовски: Реформата која се заснова токму врз принципот „Кој троши помалку, да плаќа помалку“, даде резултат
Oд Регулаторната комисија за енергетика (РКЕ) велат дека сигурното и континуираното снабдување со енергија и енергенси
на сите потрошувачи – е клучната мисија што РКЕ ја реализираше во најтешката година на глобална
енергетска криза. Додаваат дека РКЕ продолжи да ги спроведува реформите во
енергетската регулатива, поради што петта година по ред Енергетската заедница ја оценува како најдобар регулатор. Ова стои во Годишниот извештај за
2022 година за работата на РКЕ. Тој е доставен до македонското Собрание.
https://www.erc.org.mk/odluki/2023.04.26_RKE%20GI%202022-FINAL.pdf
„Минатата година ќе остане запаметена по тоа што спроведовме
реформа на тарифниот систем со воведување на
Блок тарифи во пресметувањето на потрошувачката на електрична
енергија. Оваа клучна регулаторна реформа беше првиот одговор на
енергетската криза поттикната од податоците дека во земјава 1 отсто од потрошувачите
трошат 20 отсто од домашната произведена енергија. Реформата се заснова токму врз
принципот „Кој троши помалку, да плаќа помалку“, што даде резултат – заштеда од
над 16 отсто на електрична енергија во првиот квартал од воведувањето на реформата“, изјави Марко Бислимоски, претседател на РКЕ.
Високите цени на електрична енергија беа мотив потрошувачите да почнат со
инвестиции во фотонапонски панели на постојните објекти, а произведената
електрична енергија ја користеа за
сопствени потреби. Инсталираниот капацитет на обновливи извори се
зголеми на рекордни 144,4 MW, што пак влијаеше на намалување на вкупната
електрична енергија преземена од системот, објаснуваат од РКЕ.
„Вкупно 267 централи од
обновливи извори на енергија се здобија со лиценци, со вкупен инсталиран
капацитет еднаков на три стратешки енергетски капацитети кои државата ги
градела со години – ХЕЦ Козјак, ХЕЦ СВ Петка и ветрениот парк Богданци“, изјави Марко Бислимоски, претседател на РКЕ.
РКЕ во 2022 година издаде нови лиценци
за вршење на дејностите во секторот за
топлинска енергија на ЕСМ СНАБДУВАЊЕ, ЕСМ ДИСТРИБУЦИЈА и ЕСМ ПРОДАЖБА, откако
претходно БЕГ побара престанок на своите лиценци.
Во делот на природниот гас со потпишувањето на Договорот за интерконекција
помеѓу ГА-МА АД Скопје и Булгартрансгаз се зголеми капацитетот на гасоводот,
како и се обезбеди можност Македонија да се
снабдува со гас од повеќе извори преку Република Бугарија.
