Била на посета кај баба ѝ: Турска кошаркарка најдена мртва во урнатините во Малатија!
Таа воопшто не живеала во регионот зафатен од силниот потрес, но токму тој викенд била на посета на својата баба, која исто така била пронајдена мртва. Ужасната вест ја потврдиле од турската Куќа на кошарката.
„Ја дознавме трагичната вест за смртта на Нилај Ајдоган, студентка на Универзитетот Чанкаја, која настапуваше во националното женско првенство. Нека нејзината душа почива во мир, изразуваме сочувство до семејството, роднините и целиот кошаркарски свет“, соопшти Кошаркарската федерација на Турција.
Од кошаркарката се збогуваа бројни клубови, меѓу нив и Галатасарај и Фенербахче.
