БИДЕТЕ ОСОБЕНО ВНИМАТЕЛНИ АКО ПАТУВАТЕ ВО ГРЦИЈА: Сообраќаен хаос низ Атина – Речиси сите главни улици се во „црвено“

Лошото време Даниел кое ја погоди Грција, зафаќајќи голем дел од државата продолжува и денеска, предизвика огромни проблеми во сообраќајот.

Како што јавува „Прототема.гр“, големи проблеми се забележани на улиците во Атина предизвикани од обилните врнежи.

– Сообраќајот по улиците дури може да се окарактеризира како безнадежен бидејќи и со „груб“ поглед на картите нема главна улица во Атина која не е во „црвено“. Кифисос моментално е буквално недостапен, а сообраќајот започнува преку Атики Одос и стигнува до Пиреја – пишува „Прототема“

Сообраќајната полиција во четвртокот наутро делумно го обнови движењето на возилата на автопатот Атина-Солун на делот од Ламија до Катерини по тоталниот прекин што беше решен во текот на ноќта поради лошото време Даниел.

Поточно, сообраќајот на оваа делница се одвива нормално во правец на Солун, додека во правец на Атина (од Катерини кон Ламија) сообраќајот се одвива само од левата сообраќајна лента.

Воедно, генералната полициска управа на Тесалија соопшти дека е забранет сообраќајот на сите возила на магистралниот магистрален пат Трикала – Лариса по целата должина во двете сообраќајни текови.

Како што потенцираат од Сообраќајната полиција, „се молат возачите да избегнуваат непотребно патување како на магистралната патна мрежа, така и на локални патни правци каде се забележани тешки временски појави или има предупредувања за нивно неизбежно пристигнување“.

Повеќе информации за состојбата на патиштата низ соседна Грција може да добиете и преку следниот Твитер профил.

Καθυστερήσεις στο ρεύμα προς Αεροδρόμιο 10΄-15΄ από κόμβο Μεταμόρφωσης έως κόμβο Κηφισίας.
Καθυστερήσεις στο ρεύμα προς Ελευσίνα 5΄-10΄ από κόμβο Πεντέλης έως κόμβο Κηφισίας.
Περιφ. Υμηττού καθυστερήσεις 15΄-20΄ από κόμβο Αγίας Παρασκευής έως κόμβο Κηφισίας.

— Attiki Odos Traffic (@aodostraffic) September 7, 2023

Прототема пишува дека има зголемен сообраќај на авенијата Александра, Сингру и Пиреја, додека „во црвено“ се и улиците околу плоштадот Синтагма. Возачите ќе се соочат со доцнења и во делови од Атика Роуд, како и на авенијата Посеидонос.

Другите медиуми известуваат дека проблеми има и на автопатот Атина-Солун кој е делумно затворен поради поплави. 

Сообраќајот на автопатот Атина-Солун беше во прекин поради поплавување на автопатот во средата рано попладне.

Автопатот е затворен од Никеа во Лариса до границата со регионалната единица Магнезија. Автопатот е затворен во двата правци меѓу двете точки.

Прекинот на сообраќајот следува по одлука на регионалната полициска управа Тесалија.

Локалните медиуми јавуваат за многу долги редици продолжени на неколку километри патнички возила и камиони на автопатот.

Државната телевизија ЕРТ објави дека автопатот се отворил од Лариса до Солун кратко пред 18 часот. а со тоа и за патнички и мали возила.

Дополнително има одредени пренасочувања, има забрани за сообраќај на голем број патишта во регионот, вклучително и низ општините Фарсала и Килелер, поголемиот дел од регионалните единици на Трикала и Кардица, градот Волос и Пелион.

„Екатимерини“ пак објави дека многу области останале беа без струја повеќе од 30 часа до доцна навечер во средата, што резултираше со прекин на водоснабдувањето. Напојувањето постепено се обновуваше, но поради оштетувањата на електричната мрежа, веројатно е дека целосното опоравување ќе потрае уште малку време.

Во меѓувреме, Северен и Јужен Пелион беа отсечени од градот Волос, додека многу села не можеше да се пристапи поради лизгање на земјиштето и паѓање дрвја. И за противпожарната и за Цивилната заштита беше тешко или невозможно да се приближат токму поради тоа што патиштата беа непроодни поради калта и шутот.

Во Ламија главните патишта се претворија во реки и беа полни со камења и отпад, што го оневозможува движењето на возилата во многу области. Штетите на посевите во многу области, наводно, биле непроценливи. Индикативно, во Темпи, под вода беа големи површини со земјоделски култури со компири и грав, бадеми и праски и винова лоза.

Националната метеоролошка служба (EMY) прогнозираше пороен дожд и грмотевици до четврток попладне во Тесалија, островите Споради, северна Евија и делови од централна и источна Централна Грција (Стереа Елада).

Фото: Принтскрин/Фејсбук