Беса Адеми останува на чело на Врховен, не помина барањето за разрешување

Судскиот совет со 7 гласа „ЗА“ и 4 гласа „ПРОТИВ“ одлучи претседателката на Врховниот суд Беса Адеми да не биде разрешена од функцијата, односно постапката да се запре.

Барањето дојде од членот на советот Милазим Мустафа, кој ја обвини Адеми дека ја оштетила работата на Судскиот совет со неучествувањето на седниците, иако таа нема право на глас, бидејќи е член по службена должност.

Мустафа ја напушти седницата, бидејќи како поднесувач на иницијативата немаше право на глас. Шефицата на советот Весна Дамева истакна дека Беса Адеми досега покажала независност, не попуштала на притисоци и била транспарентна.

Но, што се однесува до тврдењата за притисок, Дамева е убедена дека Адеми истото го пријавила на свој начин, за да се заштити.