Бектеши: Mинималната плата во 2024 ќе се доближи до просечната плата во 2016
Годинава ќе ја завршиме со 7,1 отсто инфлација, а минималната плата во 2024 година ќе се доближи до просечната плата од 2016 година, кажа министерот за економија Крешник Бектеши во емисијата „10 минути“ на ТВ21.
Владата донесе одлука за зголемување на минималната плата на 20.175 денари.
„Само за информација за граѓаните, во 2016 година просечната плата беше некаде околу 23 илјади денари, а денес е над 34 илјади денари, а како што претходно истакнавме, успеавме да се доближиме до просечната плата од 2016 година“, рече Бектеши.
Наведува дека поради глобален пораст на цените се зголеми и вредноста на минималната кошничка.
