Бебе од Србија почина под сомнителни околности во Италија

Истрага е отворена во Италија поради мистериозна смрт на бебе од Србија. 

Дете (1,5) по потекло од Србија почина во понеделникот во болница во градот Портогруаро во Италија по удар во главата. Италијанските медиуми пишуваат дека родителите го однеле детето во Итна помош, но дека лекарите не можеле да го спасат. Детето Б.К.(1,5) кое е родено во Србија, живеело со семејството во областа Венеција.

Според полицијата, момчето додека си играло паднало од хауба на паркиран автомобил. Но, полицијата не ја исклучува можноста дека детето можеби им избегало на оние кои биле со него во куќата и дека во него удрил автомобил. Полицајците кои ја водат истрагата повеќе од два часа разговарале со семејството на сега веќе починатото дете. Наредена е томографија на главата на момчето.

Детето е донесено кај лекарите со траума на задниот дел од главата. Долгите обиди за реанимација биле бескорисни, а детето починало во болница.