Беа пријатели со Русија, но се приклучија на санкциите за руските банки
Кина, Турција и ОАЕ се приклучија на санкциите против руските банки.
Информацијата за рускиот весник „Комерсант“ вчера ја соопшти потпретседателот на Росбанк, Александар Рахманин. Објасни дека „колегите“ од Кина, Турција, Обединетите Арапски Емирати, па дури и постсоветските републики, вклучувајќи ги Казахстан, Узбекистан, Киргистан и Туркменистан, одбиваат да работат со руски кредитни институции кои се под рестрикции.
Турските банки строго ги почитуваат санкциите: тие одбиваат да отворат дописнички сметки во лири за руските банки на црната листа.
Во Обединетите Арапски Емирати, каде руските компании масовно го пренесуваат бизнисот во обид да се сокријат од ограничувањата на санкциите, исто така се појавуваат проблеми. Локалниот регулатор „не дозволува целосно да ги замени, на пример, американските долари со дирхами во трговијата со Русија“, рече Рахманин.
Повеќе од 20 руски банки беа под санкции на Западот, а девет од нив, вклучувајќи ги Сбербанк, ВТБ, БЕБ, Откритие и Роселхозбанк, беа исклучени од СВИФТ.
Поради војната во Украина, Русија е под санкции. Откако лани Русија ја почна војната во Украина, руската рубља падна нагло, а потоа имаше уште неколку периоди кога вредноста на валутата се намалуваше.
