Барселона со чудесен пресврт го победи Атлетико среде Мадрид (ВИДЕО)
Атлетико Мадрид и Барселона одиграа меч со спектакуларна завршница која ја доби каталонскиот тим.
Симеоне може да жали затоа што неговите фудбалери имаа водство и од 2-0, но на крајот загубија.
Атлетико Мадрид поведе пред крајот на првото полувреме кога Алварез даде гол за водство од 1-0.
Во 70. минута Сорлот даде гол за 2-0, но овој погодок ги збесна фудбалерите на Барселона бидејќи во акцијата на Атлетико имаше игра со рака за која ВАР реши дека не е прекршок.
Барселона тргна од центар и намали на 2-1 со гол на Роберт Левандовски, а само шест минути подоцна Феран Торес изедначи на 2-2.
Во 92. минута Ламин Јамал со помош на одбранта на Атлетико му даде гол на Облак за комплетен пресврт и водство на Барса од 3-2.
Но, тоа не беше се, во 98. минута Феран Торес со својот втор гол на мечот стави печат на победата за конечни 4-2 за Барселона.
