Барса ја информирала шпанската федерација дека се сели од „Камп Ноу“

Барселона во следните три години колку што е предвидено да трае големата градежна офанзива на својот дом, ќе ги игра мечевите на Олимпискиот стадион „Монтжуик“, некогашен дом на вториот клуб од Барселона, Еспањол, кој во моментов забрзано се подготвува за да ги исполни сите стандарди за мечеви, од терен, дренажа, соблекувални, медиумски простор…

Овој стадион кој ќе биде привремен дом на Барса беше домаќин на Летните Олимписки игри во 1992 година, реновиран за најголемиот спортски настан, зашто е изграден уште во далечната 1992 година, но во последните години многу ретко е користен. Во 2010 година беше домаќин на Европското првенство во атлетика, а Еспањол на него беше домаќин од 1997 до 2009 година.

Инаку Барселона ќе се задолжи 1,5 милијарди евра за инвестицијата во „Камп Ноу“ и целата околна спортска инфраструктура и тоа со краткорочен заем од пет години од 500 милиони евра од „Голдман Сакс“, уште толку на долг рок од 25 години од разни инвеститори, а последната третина од половина милијарда евра е исто така заем од инвеститори на среден рок од 10 до 12 години.