БАРА РАБОТА ОД 2022 ГОДИНА: Испратил 640 молби и уште е невработен
Педесетгодишен маж со години залудно се обидува да најде работа. И покрај тоа што испратил 640 апликации за работа, тој сè уште не можел да се вработи.
Во интервју за австрискиот портал „Хојте“, Роналд Т., 50-годишник од Виена, отворено зборуваше за својата ситуација.
„Не сум единствениот во оваа ситуација“, рече тој, објавува списанието „Феникс“, пренесе Н1.
И покрај тоа што има 17 години работно искуство и дополнителнo образование, Роналд не можел да најде работа од јули 2022 година.
Претходно работел во здравствена установа, а потоа добил дополнително образование во областа на анализа и истражување на криминални податоци со користење на отворени извори (Open Source Intelligence).
Сепак, здравствените проблеми доведоа до прекини во кариерата и празнини во неговата биографија, што сега ги намалува неговите шанси на пазарот на трудот. Покрај тоа, тој добил бенефиции за рехабилитација до 2023 година, што, според него, може негативно да влијае и на перцепцијата на потенцијалните работодавци.
Роналд бара работа во администрацијата, идеално со можност за работа од дома или со максимум три дена во неделата во канцеларија.
foto Pixabay / Ilustracija
