БАЛКАНОТ ПОД СИЛНО СНЕЖНО НЕВРЕМЕ, КАЈ НАС МОЌЕН ВЕТЕР И ДОЖД: Големи проблеми на патиштата, да се одложат патувањата
Србија, Хрватска
и други делови од Балканот денеска се на удар на силно снежно невреме. Во
Белград од утрово непрекинато врне снег кој се задржува на коловозите.
На подрачјето на
Белград, Ваљево, Лозница, Сремска Митровица, Нови Сад, Сомбор и Палиќ утрово
паѓа слаб до умерен снег, покажуваат податоците на Републичкиот
хидрометеоролошки завод на Србија. Најладно е во Белград, Копаоник, Сремска
Митровица, Лозница, Зрењанин и Сомбор каде се измерени нула степени.
Хрватските власти
јавуваат за сериозни проблеми на патиштата поради навеви на снег и силен ветер.
Доцна синоќа почна да паѓа снег во Загреб, а градот утрото се разбуди покриен
со снежна покривка.
За останатиот дел
од денот Државниот хидрометеоролошки завод на Хрватска прогнозира облачно
време, со снег во внатрешноста и формирање на снежна покривка. На Јадранот се
очекуваат врнежи од дожд, во Далмација поизразени врнежи, по можност грмежи, а
во северниот дел ќе има локален снег кој ќе го носи невремето.
Во внатрешноста
на Далмација лапавица и снег попладне и навечер. Ќе дува умерен до засилен северен
и североисточен ветер. Поголемиот дел од Јадранот ќе биде зафатен од силно невреме,
во северниот дел и урагански ветрови, а во јужниот дел претежно Бура од јужен
правец.
-Кај нас во
Македонија во периодот кој што ни следува ќе има повремени врнежи од дожд и
истите повремено ќе бидат интензивни. Ќе има услови и за локална
нестабилност проследена со пороен дожд, грмежи и силен јужен ветер. Ќе
дува засиле ветер од јужен и од југозападен правец (над 60 км/час).
Снег кај нас ќе врне само на највисоките планини. Локално во следниот период ќе
наврнат и над 35 л/м2 воден талог. Температурите кај нс и понатаму нема многу
да се менуваат и ќе бидат натпросечно високи, вели метеорологот Славчо
Попоски.
