Баер елиминиран од третолигаш: Арминија првпат во историјата ќе игра финале во Купот (ВИДЕО)

Вечерва, германскиот третолигаш на домашен терен го совлада бранителот на трофејот во Купот, Баер со 2-1 и првпат во својата историја обезбеди пласман во финалето од ова натпреварување. Со ова Арминија стана првиот нисколигаш кој елиминирал четири прволигаши во Купот на Германија откако претходно ги совлада уште Хановер, Фрајбург и Вердер.

Сите три гола на денешниот натпревар паднаа во првото полувреме. Тах го доведе Баер во водство од 1-0 за потоа Ворл и Гросер да се погрижат за пресврт. „Фармацевтите“ пристигнаа во вториот дел, но не успеаја да се изборат барем за нерешен резултат.

Со ова Баер ја загуби едната од двете круни во домашниот фудбал, освоени лани. Му останува да се бори за трофејот во првенството каде заостанува пет бода во однос на лидерот Баерн.