Бајден се сопна и падна додека доделуваше дипломи (ВИДЕО)
Американскиот претседател Џо Бајден се сопна и падна денеска на сцена пред стотици луѓе и вклучени камери, откако ја врачи последната диплома на свеченоста во Академијата за воздухопловни сили на САД.
BREAKING: Biden takes a big fall on stage just now at the U.S. Air Force Academy graduation pic.twitter.com/GxkMbpyoNo
— Jake Schneider (@jacobkschneider) June 1, 2023
Осумдесетгодишниот претседател со помош на тројца луѓе успеа брзо да стане на едното колено, по што се врати на местото без помош.
Додека питомците и офицерите му помагаа на Бајден да се крене на нозе, тој се сврте и изгледаше како да покажува на што се сопнал.
Директорот за комуникации на Белата куќа Бен ЛаБолт на Твитер објави дека претседателот не се повредил при падот, кој изгледаше најсериозно од неколкуте слични инциденти во кои Бајден ја губеше рамнотежата и паѓаше во јавност.
