Бајден: Америка ќе продолжи да ја штити Украина
Американскиот претседател Џо Бајден одржува говор во Полска, само неколку часа откако Владимир Путин го суспендираше договорот за нуклеарно оружје.
„Киев стои силен, одлучен и, што е најважно, слободен“, рече Бајден во воведот. „Целиот свет беше тестиран кога започна руската инвазија. Светот нема да ја сврти главата на другата страна“, додаде тој.
Тој исто така рече дека „поддршката за Украина нема да попушти“.
„Путин мислеше дека НАТО ќе се подели, но сега е пообединет од кога било“, додаде тој. Тој рече дека војната во Украина е „трагедија“ што Путин можеше да ја заврши.
Тој се осврна и на Молдавија, велејќи дека „на нејзините граѓани треба да им се обезбеди да живеат во мир“. Американскиот претседател изјави и дека „Украина никогаш нема да биде победа на Путин“.
Порача дека „апетитите на автократите не можат да се задоволат, може само да се спротивстави и да се каже – не“. Тој исто така рече дека САД ќе продолжат да ја штитат Украина.
„Уште еднаш им се обраќам на граѓаните на Русија. САД и европските земји не сакаат да ја уништат или контролираат Русија“, рече тој.
Бајден го заврши својот говор со пораката дека „нема поблагородна цел од слободата“.
