Автомобил се заби во прв кат од куќа, бизарна несреќа во Пенсилванија
Сцена како акционен филм е снимена во неделата во Пенсилванија – автомобил полета во воздух и влетал во спалната соба на катот на семејната куќа, каде што останал да виси додека властите не го отстранат.
Официјални лица од Junction Fire Company од градот Декатур биле повикани на местото на настанот и ја нашле „Тојота Корола“ заглавена во покривот, пишува New York Post.
Противпожарната компанија сподели фотографии од инцидентот и дупката од домот.
На нив се гледа автомобил чиј преден дел „исчезнал во покривот“, додека мансардата на куќата е уништена.
Масивна дупка во горниот агол на куќата била оставена кога автомобилот бил отстранет.
Надлежните екипи ја стабилизирале куќата за повеќе да не се урне, а на сопствениците им помогнале да постават церада над дупката, за да ја заштитат од предвиденото невреме.
Возачот бил пренесен во болница, објави локалната АБЦ, WHTM, а за среќа никој во домот не е повреден.
Од противпожарната компанија изјавиле за WHTM дека автомобилот најверојатно удрил во пропуст покрај патеката на домот, што го разнело.
Меѓутоа, државната полиција на Пенсилванија соопшти дека нивните инспектори веруваат дека несреќата не била несреќа.
Полицајците изјавија за локалната станица дека „преку истрага утврдиле дека несреќата била намерна и дека е поднесена пријава“.
