Автобус излета во Турција: Двајца загинати и 21 повреден
Две лица загинаа, а 21 се повредени во сообраќајна несреќа на патнички автобус во областа Ерзинџан, источна Турција, јави турската државна телевизија ТРТ-Хабер.
Несреќата се случила ноќта на патот Ерзинчан-Сивас, каде имало врнежи од снег, снежна бура и голомразица.
Возачот на автобусот изгубил контрола над возилото по што автобусот се превртел.
На местото на несреќата пристигнале голем број возила на брза помош, пожарникари, полиција, жандармерија, вработени во АФАД (Дирекција за управување со катастрофи и вонредни состојби). Повредените лица се примени во различни болници во градот Ерздињан.
