„Ѓаволите“ магнет за ѓаволи: И Санчо отстранет од првиот тим на Јунајтед!

Тој беше изоставен од тимот за натпреварот против Арсенал, кој се одигра пред репрезентативната пауза, а холандскиот менаџер објасни дека Санчо бил под вообичаеното ниво на тренинзите. Крилниот напаѓач потоа изјави дека тоа не е вистина и дека тој всушност долго време бил „жртвено јагне“.

Манчестер јунајтед го донесе Санчо од Борусија Дортмунд во 2021 година во трансфер вреден 85 милиони евра, но тој не ги оправда очекувањата. За две години одигра 58 натпревари во Премиерлигата, постигна девет гола со шест асистенции. Минатата сезона беше надвор од терените три месеци бидејќи работеше на менталното здравје.

Ова е уште еден доказ дека „ѓаволите“ своевиден магнет за ѓаволите меѓу фудбалерите, до оглед што во моментов надвор од тимот е и Бразилецот Антони, кој е обвинет за физичко насилство врз поранешната девојка, а неодамна клубот поради слични проблеми го напушти и талентираниот Гринвуд, кој долго време беше суспендиран.