Асвел ја спушти Звезда на земја
Српскиот првак загуби на гостувањето кај Асвел со 91-100 на дебито на новиот тренер Пјерик Пупе. Охрабрени од победите против Фенербахче и Партизан, кошаркарите на Звезда заминаа во Лион да ја продолжат серијата, но ќе се вратат разочарани поради големата шанса што не ја искористија.
Тоа особено важи за првото полувреме во кое српскиот тим водеше и со девет поени разлика (25-16) за потоа да му дозволат на противникот со 11-0 да се врати во игра и да дојде до предност. На пауза се замина со водство од 48-45 за Асвел, но клучна беше последната четвртина во која францускиот тим водеше и со 15 разлика (98-83) пред гостите делумно да го ублажат дебаклот.
Ли и Ловерњ беа најефикасни играчи на Асвел со 23, односно 17 поени, па незабележливо помина одличното офанзивно издание на Недовиќ кој реализира 26 поени, како и на Јаго дос Сантос кој беше блиску до дабл дабл со 16 поени и 9 асистенции.
РЕЗУЛТАТИ
Фенербахче – Партизан 91-76
Монако – Басконија 93-83
Баерн – Реал 71-92
Панатинаикос – Анадолу Ефес 83-76
Асвел – Црвена Звезда 100-91
Олимпија Милано – Алба 82-76
Валенсија – Жалгирис 79-84
