Артета бара преодниот рок во С. Арабија да заврши во исто време како европскиот!
Англиската Премиерлига како водечка светска лига, ама и останатите од „лига петка“ треперат дека може да загубат некоја од своите ѕвезди и после завршување на преодниот рок, зашто тешко се одолева на многуте милиони евра кои Саудијците летово ги расфрлаат за да донесат играчи и да го направат своето првенство едно од петте најсилни на светот.
„Ова е мое мислење, ама треба да се усогласи преодниот рок во С. Арабија со Европскиот. Саудијците се еден нов ривал на трансфер пазарот, кој нуди големи можности за фудбалерите, за тренерите, за луѓето кои работата во целата индустрија. Ние сме сите слободни да решиме што ќе прифатиме, ама мора да се има еднаквост на пазарот“, вели Артета.
