Арсовска: Командант Барути се обиде да поднесе кривична пријава против мене – искрено би сакала од него уште еднаш гласно да слушнам како јадел ќутек
Пред утрешното рочиште во Кривичниот суд во Скопје, каде што ќе бидат изведени завршни зборови во постапката за наводно насилство, градоначалничката на Скопје, Данела Арсовска, на социјалните мрежи објави детали за случајот.
Според нејзината објава, Командант Барути Љамалари на вчерашното судење се обиде да поднесе кривична пријава за насилство извршено од моја страна врз него.
„Тврди дека сум ГО ТEПАЛА со лекарски извештај од ДИГЕСТИВЕН ХИРУРГ изваден отпосле во градска болница, кој му дал потврда по негово кажување дека повреди имал на ногата ќутекот што го јадел од мене.
Судот и обвинителството вчера одбија од него да прифатат кривична пријава, со која командантов Барути Љамалари тврди дека сум го тепала.
На утрешното судење ќе има завршни зборови, искрено би сакала од него уште еднаш гласно да слушнам како јадел ќутек. Такво време дојде ем да тепаат жени, ем да глумат жртви дека се тепани,“ напиша Арсовска, истакнувајќи дека овој случај покажува злоупотреба на статусот на жртва во постапката.
