Арсенал за пола час го суреди Челси и ја продлабочи агонијата на „сините“ (ВИДЕО)

Арсенал се врати привремено на првото место, со 78 бода, два од Манчестер сити, но со два меча повеќе од „граѓаните“ и шансите за титула остануваат минимални, зашто ќе мора „граѓаните“ да влезат во лоша серија, а сооглед како играат прашање е дали ќе се случи тоа.

Од друга страна, Челси го запиша шестиот пораз во низа, а седми во последните девет меча без победа. Колку е очаен Челси покажа денеска, но и фактот дека од 11 март кога го победија Лестер со 3-1 немаат триумф и моментно се на 12-то место со очани 39 бода, едвај девет над опасната зона за испаѓање.

Мартин Одегард со два гола ги разнесе „сините“ откако прво погоди во 18-та, па во 31-та минута, а Габриел Жесус само ги дотепа и ја обезбеди победата во 35-та минута, па во продолжение од нешто помалку од еден час фудбал, Челси успеа само да дојде до почесен гол откако Нони Мадуеке погоди во 65-та минута од мечот.