Арсенал, Њукасл и Ливерпул во полуфиналето од англискиот Лига куп, се чека последниот учесник

Арсенал на домашен терен го победи Кристал Палас со 3-2 благодарение на бравурозното издание на Габриел Жезус. Гостите водеа по првото полувреме, но во продолжение се разигра Бразилецот кој постигна хет-трик и го однесе Арсенал на два чекора од трофејот во Лига купот.

Њукасл со 3-1 беше подобар од Брентфорд на домашен терен во меч во кој блескаше Сандро Тонали. Италијанецот ги постигна првите два гола за својот тим, на 3-0 зголеми Шар, а конечниот резултат го постави Виса во судиското продолжение.

Ливерпул со комбиниран состав отиде на гости кај Саутемптон и победи со 2-1 иако по првото полувреме се чинеше дека ќе има лесна задача. Нуњез и Елиот ги донесоа „црвените“ до убедливо водство, но Арчер во 59. минута намали и донесе неизвесност во финишот. Сепак, Ливерпул ја имаше контролата над играта и мирно го приведе мечот кон крај, за нов пласман во полуфиналето.

Последниот патник во следната фаза ќе биде познат утре кога ќе се сретнат Тотенхем и Манчестер Јунајтед.