Арсенал и Астон Вила го заверија четвртфиналето, во Мадрид – продолженија (ВИДЕО)
Астон Вила славеше и во вториот меч против Бриж, сега со 3-0 и со вкупни 6-1 дојде до осумте најдобри во Европа. По првото полувреме немаше голови, а се се смени со влегувањето во игра на Марко Асенсио. По само пет минути игра во вториот дел Шпанецот го отвори резултатот, а откако Матсен зголеми на 2-0, Асенсио стави точка на мечот.
Во четвртфиналето, што е нов најголем успех на Астон Вила во Лигата на шампионите, тимот од Бирмингем ќе се сретне со ПСЖ.
Арсенал не го победи по вторпат ПСВ, но тренерот Микел Артета одмори дел од стандардните играчи. Натпреварот на Емирејтс заврши без победник, 2-2 и „топчиите“ со вкупно 9-3 се пласираа во четвртфиналето. Арсенал два пати водеше, преку Зинченко и Рајс, а Перишиќ и Дриуех се погрижија за достојна елиминација на ПСВ.
На најинтересниот меч од денешната програма, меѓу Атлетико и Реал ќе се играат продолженија бидејќи по 90 минути резултатот е 1-0, како и на првиот натпревар одигран минатата недела.
