Арсенал го повлече од продажба новиот дрес, Адидас направил грешка!
Виновен е дизајнерот и изработувачот на дресот – Адидас. Клубот објави соопштение во кое кажа дека ги повлекува дресовите од продажба, затоа што направена е грешка во дизајнот, кој е посветен на генерацијаа на „непобедливите“ од пред 20 години.
На дресот требаше да бидат изгравирани резултатите од сите 38 меча на таа генерацја со ознака W или D, во зависност дали било победа или реми. Проблемот е што наместо 38 меча, изгравирани биле 32.
Овој дрес чинеше 110 фунти, а грешката била толку лесно забележлива што навивачите од дома успеале да избројат и затоа се кренаа бурни реакции. Дресот бил означен како „нема на залиха“ во онлајн продавницата на Арсенал, а Адидас ја продава само онаа класичната верзија. Гигантот за спортска опрема објави дека ќе им бидат вратени парите на сите кои го купиле дресот.
