Арбр Адеми: Визијата на Гоце Делчев остави траен белег, идеите на делчевизмот се од суштинска важност!
Делегација на Демократската унија за интеграција, предводена од Арбер Адеми, денеска положи цвеќе на гробот на Гоце Делчев во црквата „Св. Спас“ во Скопје, по повод 4 февруари, оддавајќи почит на неговото историско наследство и дело.
Арбер Адеми нагласи дека визијата на Гоце Делчев оставила длабок траг и дека идеите на делчевизмот се од суштинска важност во денешното време.
– Коегзистенцијата, взаимното почитување и културното збогатување се темелите на кои треба да ја градиме нашата заедничка иднина. Различностите не треба да создаваат поделби, туку да бидат извор на сила, инспирација и напредок, изјави Адеми.
