Апсолутен рекордер: Бесарт Ибраими петти пат „златна копачка“ во Првата лига!
Ибраими после четирите титули најдобар стрелец во Македонија во дресот на Шкендија, годинава повторно беше „крал на стрелците“ со 19 гола во оваа сезона, денеска наградата ја завери со гол за победа против Шкупи, но првпат не надмина 20 погодоци во една сезона. Ибраими летоска дојде во Струга ТЛ како последна алка која ѝ даде шампионски шмек на Струга, а од прво до последно коло стружани беа лидери и дојдоа до својата прва титула после само осум години постоење, а четири како се прволигаши.
Ибраими својата прва „златна копачка“ ја освои во сезоната 2015/16 со 26 гола, следната сезона ја одбрани со 20 гола, а хет-трик во низа запиша во сезоната 2017/18 кога ја подели наградата со својот некогашен соиграч Ферхан Хасани завршувајќи ја сезоната со по 22 гола. Четвртата награда најдобар стрелец ја имаше во сезоната 2020/21 кога даде 24 гола. Сите четири „златни копачки“ му беа во дресот на Шкендија.
Зад Ибраими остана неговиот актуелен соиграч Бујамин Шабани со 12 гола, Реналдо Цепас од Шкупи сезонава даде 11 гола, а Фреди Алварез и Ланскиот најдобар стрелец Сандеј Адетунџи по 10 гола.
