Јапонија предупредува на ширење на лажни информации на мрежите за земјотресот во Ното
Поради ширењето на зголемен број лажни информации за земјотресот што ја погоди Јапонија на Нова година, јапонското Министерство за комуникации ги повика граѓаните „внимателно да проценат“ дали објавите на Интернет се вистинити пред да споделат за земјотресот.
Претходно, јапонскиот премиер Фумио Кишида го оцени ширењето на лажни информации како „неприфатливо“, пренесува Kyodo.
Некои објави ја припишуваат причината за земјотресот од 7,6 степени што го погоди полуостровот Ното и неговата околина на Јапонскиот брег во понеделникот на употребата на „земјотресно оружје“, додека сеизмичкиот настан го опишуваат како „вештачки земјотрес“. .
Додека во други објави, на мрежите се шират видеа од силниот земјотрес и цунамито што ја погодија Јапонија во март 2011 година, под опис во кој се тврди дека тоа е последниот земјотрес.
Лажните информации за време на катастрофи може да ги попречат спасувачките операции, доведувајќи ги животите во опасност.
По смртоносниот земјотрес во Кумамото, југозападна Јапонија, во 2016 година, еден човек беше уапсен поради ширење лажна гласина дека лав избегал од зоолошка градина.
