Анонимец од Холандија е најголем фаворит за наследник на Клоп!
Тој ги предводи „црвените“ речиси цела деценија, со огле дшто првпат седна на клупата во веќе далечната 2015 година, период во кој му донесе на овој тим трофеи од Лигата на шампионите, Премиер лигата, ФА купот и Лига купот. Изјавата на Клоп веднаш предизвика појава на многу шпекулации околу името на неговиот наследник, а прв избор на јавноста беше Чаби Алонсо, кој сезонава прави чуда со Баер Леверкузен. Но, според букмејкерите, најголем фаворит за нов тренер на Ливерпул и малку познатиот Холанѓанец, Пепијн Лијндерс, кој долго време работи како помошник на Германецот.
Станува збор за 41-годишен стратег, кој досега само еднаш во кариерата работел како прв тренер и тоа во екипата на НЕК во 2018 година, кога веднаш доби отказ откако не обезбеди место во холандската елита. Потоа му се приклучи на Клоп на „Енфилд“, поради што долично ги познава работите во клубот и фудбалерите, па се наметнува како логично решение за менаџерската функција.
Квотата за Лијндерс да го наследи Клоп е 3, а зад него се Алонсо со квота 5 и Стивен Џерард со квота од 5,5. Во игра, секако, се и неколку квалитетни тренери кои во моментов се без ангажман како Жозе Мурињо и Антонио Конте.
