АНКЕТА: Мнозинството граѓани одговориле дека Хрватска не оди во правилна насока
Хрватска не оди во добра насока, сметаат 73 отсто од анкетираните граѓани.
Во пресрет на првиот круг од претседателските избори кој ќе се одржи во недела на 29 декември, најновото истражување на Кробарометар покажа дека 73 отсто од испитаниците сe со став дека Хрватска не се движи во вистинската насока, 20 отсто веруваат во спротивното, додека седум проценти немаат мислење.
Најголемиот проблем на хрватските граѓани е инфлацијата, односно високите цени, веднаш потоа недоволно високите плати, односно лошиот животен стандард на граѓаните.
На трето место се корупцијата и криминалот, кои граѓаните ги перципираат на највисоките нивоа на власта, потоа ниските пензии и лошиот статус на пензионерите, како и лошата состојба на економијата.
Што се однесува до рејтингот, прва на листата и натаму е ХДЗ на премиерот Андреј Пленковиќ со поддршка од 27,8 отсто, со тоа што ова е трет месец по ред како оваа партија бележи пад, па ова е воедно и најлошиот резултат на владејачката партија во последните години.
