Андреас е херојот од возот во Грција: Спасил најмалку 10 патници од запалениот вагон

Студентот Андреас Аликаниотис (20) е херој кој и самиот бил во возот на смртта во Грција. За среќа, тој излегол од вториот вагон речиси неповреден и покрај опасноста од огромниот пожар кој голтал се пред него, ги спасувал оние кои биле заробени во другите вагони при судирот.

Според докторката од Медицинското друштво од Лариса, Ерис Цијастудис, младиот Андреас успеал сам да го скрши стаклото и да спаси најмалку десет млади луѓе

Студентот Аликаниотис излегол речиси неповреден од вториот вагон и пркосејќи на опасноста, огромниот оган кој горел покрај него, сакал да спаси луѓе. И успеа во тоа, пренесува protothema.gr.

„Иако денес небото беше исполнето со ангели, ние имаме среќа меѓу нас да имаме земски ангел, 20-годишниот студент Андреас Аликаниотис, кој излезе речиси неповреден од вториот вагон. Тој е херој затоа што ризикувајќи го својот живот, со огромен оган покрај него, не го напушти вагонот туку сам успеа да го скрши стаклото и спаси уште најмалку десет деца, момчиња и девојчиња. Во денешниот мрачен ден Андреас ни покажа дека новата генерација Грци има добрина, принципи и морал! Честитки за мојот убав Андреас, честитки за родителите кои те воспитале!“, се вели во објавата.

Да потсетиме, во страшна железничка несреќа во трагедијата во Темпи досега загинаа најмалку 43 лица.

Работата на истрагата на остатоците од возовите не е завршена и затоа надлежните нагласуваат дека конечниот број на жртви ќе биде уште поголем. Тежината на судирот и пожарот што избувна во вагоните ја отежнуваат задачата за лоцирање на жртвите, но уште повеќе и нивна идентификација. Процесот на земање примероци на ДНК од роднините за идентификација на телата беше завршена во средата доцна попладне.