Анализата на пазарот на трудот покажува: Овие вештини ќе бидат заменети до 2030 година
Вештачката интелигенција целосно ќе го промени начинот на кој функционираме на работното место, барем судејќи според најновите податоци од LinkedIn.
„До 2030 година, дури 70 oтсто од вештините што се користат на повеќето работни места денес, ќе се променат“, вели Ендру Симан, уредник за вработување и кариерен развој во LinkedIn News.
Компанијата ги добила овие податоци анализирајќи ги вештините што работодавците најчесто ги наведуваат во огласите за работа, како и оние што корисниците ги внесуваат во своите профили. Се земаат предвид историските трендови, како и предвидувањата за вештините што вештачката интелигенција може да ги реплицира.
Сепак, Симан верува дека овие вештини нема целосно да исчезнат, туку ќе еволуираат.
„Бидејќи технологијата продолжува да го менува начинот на кој работиме, сите треба да бидеме во чекор со тоа како се развива пазарот за да останеме конкурентни“, вели Стејси Халер, главен советник за кариера во Resume Builder.
Во блиска иднина, работодавците ќе користат вештачка интелигенција за да ги подобрат вештините на своите вработени.
„Можеби повеќе нема рачно да внесувате податоци, но ќе управувате со нив“, објаснува Симан.
Секако, не сите професии ќе бидат подеднакво погодени. Работните места што вклучуваат физичка работа или сценски уметности, како што се градежните работници или музичарите, ќе останат помалку изложени на промени. Од друга страна, професиите како софтверски инженер, веб дизајнер или благајник ќе доживеат голема трансформација, вештачката интелигенција ќе преземе дел од задачите, дозволувајќи им на работниците да бидат попродуктивни.
foto freepik.com
