Јанакиески излегува од затвор во јуни – прифатена и жалбата на Мијалков
Апелациониот суд во Скопје ја прифатил жалбата на Миле Јанакиески и одлучил тој да излезе од затвор на 16 јуни 2024 година.
„Согласно донесеното решение, одлуката за условен отпуст е преиначена и условниот отпуст за осудениот Миле Јанакиески наместо, како што гласеше првичната одлука, да започне на 16.01.2025 година, ќе започне на 17.06.2024 година, но под услов до истекот на условниот отпуст обвинетиот да не стори ново кривично дело“, стои во решението на Апелациониот суд Скопје.
Според информациите, судот ја прифатил и жалбата на Сашо Мијалков и сега неговиот случај се враќа на повторно постапување и одлучување пред првостепениот суд.
Се очекува Кривичниот суд да постапи по насоките од повисокиот суд и да го ослободи Мијалков, кој исполнува услов за предвремен отпуст.
