Американско разузнавање: Постои потенцијал за судир меѓу Русија, САД и НАТО
„Русија веројатно не сака директен воен конфликт со силите на САД и НАТО, но постои потенцијал тоа да се случи. Руските лидери досега избегнуваа да преземаат акции кои би го прошириле конфликтот во Украина надвор од границите на земјата, но ризикот од ескалација останува значајна.
Постои реален потенцијал за воените неуспеси на Русија во војната да ја оштетат позицијата на рускиот претседател Владимир Путин во Русија и на тој начин да поттикнат натамошна ескалација од страна на Русија во обид да добие поддршка од јавноста“.
Ова е според јавниот дел од годишната проценка за заканите кон САД од страна на разузнавачката заедница на земјата, објавена во средата. Аврил Хејнс, директор на националното разузнавање, го претстави на сослушување во Сенатот.
