АМЕРИКАНСКИОТ ГИГАНТ „ДОРДАШ“ КУПУВА КОНКУРЕНТСКА КОМПАНИЈА – под негова „закрила“ и британска фирма
Американскиот гигант за достава на храна „ДорДаш“ објави дека постигнал договор за купување на британскиот конкурент „Деливеру“ за 3,9 милијарди долари, односно 2,9 милијарди британски фунти.
За време на преземањето, „ДорДаш“ плати 180 пени по акција на „Деливеру“, што претставува премија од 44 проценти во споредба со цената на акциите на затворањето на берзата на 4 април, последниот ден од тргувањето пред да се направи првичната понуда.
Сепак, наведената цена е значително пониска од цената од 390 пени по акција по која Deliveroo излезе на Лондонската берза во 2021 година, објавува „Гардијан“.
US meal delivery firm DoorDash will buy British rival Deliveroo for $3.85 billion. The acquisition will help DoorDash grow its market share in Europe and compete against Just Eat and Uber Eats.
Read more: https://t.co/x4dSgRp8Fl pic.twitter.com/oeE44CjMYN— Reuters Business (@ReutersBiz) May 6, 2025
„Нашата комбинирана мрежа ќе опфати повеќе од 40 земји и повеќе од една милијарда луѓе и ќе им обезбеди на локалните бизниси алатки и технологија за успех“, рече извршниот директор и коосновач на „ДорДаш“, Тони Шу.
Ова преземање му овозможува на „ДорДаш“ значително да го прошири своето присуство на европскиот пазар, особено во Велика Британија и Ирска, кои сочинуваат 62 проценти од вкупната вредност на нарачките на „Деливеру“, пренесува „Ројтерс“.
„ДорДаш“, лидерот на американскиот пазар, претходно ја купи финската компанија за достава на храна „Волт“ за 8,1 милијарди долари во 2021 година.
Фото: Принтскрин/Х
