АМЕРИКАНКА СЕ ВООДУШЕВИ ОД СРПСКА СЛАВА: Денот на благодарноста е мало бебе во споредба со количината на храна
Американката Анџела Блер Кејт, која веќе година и пол живее во српскиот главен град Белград, за првпат била на српска слава и се изненадила.
„Замислете дека тренирате за маратон. Во година и пол колку што сум во Белград, вчерашниот ден за мене беше маратонски ден. Воопшто не бев подготвена за тоа. На славата имаше најмалку 50 луѓе. Луѓето традиционално ја слават славата во своите домови, но овој домаќин славеше во кафеана, па затоа и имаше толку народ. Дојдов во шест, што беше доцна, бидејќи славата започнала во три – а кога завршила, не знам. Славата ви е како еден вид Ден на благодарноста, но на повисоко ниво. Што се однесува до музиката, имаше бенд, тројца пејачи, а кога влегов, со оглед на тоа што изгледам поинаку, сите ме забележаа и срдечно ми посакаа добредојде“, изјавила Блер.
Вели дека имало многу пеење, добро расположение и дружење.
„Денот на благодарноста е мало бебе во споредба со количината на храна на српска слава. Не знам што е поголемо од гозба, но таа е буквално двојно поголема од гозбата. Иако пристигнав подоцна, келнерите ми донесоа чиста чинија, чаша за вино … Мојата чаша во ниту еден момент не беше празна. Немам идеја колку испив“, раскажува девојката.
Таа ги советува оние кои ќе одат на слава да не јадат дента.
