Американец кој се борел на страната на Русите е убиен во Украина

Американскиот државјанин Расел Бентли, познат по тоа што се борел на страната на проруските сепаратисти во источна Украина меѓу 2014 и 2017 година, загинал во Доњецк, јавија денеска руските медиуми.

„Расел Бентли познат како „Тексас“, вистински Американец, навистина од Тексас, почина во Доњецк“, објави преку Телеграма Маргарита Симонијан, шеф на режимската руска телевизија РТ.

Баталјонот „Восток“, за кој се борел Бентли, преку Телеграм потврдил дека е „убиен“ без да прецизира под кои околности.

Според руските медиуми, тој Американец исчезнал на 8 април кога отишол да им помогне на жртвите од украинскиот бомбашки напад во Доњецк, кој беше заробен од Русија на истокот на Украина.

Расел Бентли (64) е роден во Тексас и работел таму пред да се пресели во Доњецк и да им се придружи на локалните проруски сепаратисти во борбата против киевските сили што започна во 2014 година. Потоа доби руско државјанство.