АМЕРИКАНЦИТЕ ГО ВОДАТ ТУРИСТИЧКИОТ БУМ ВО ЕВРОПА: Koлкав прилив ќе има на континентот?

Туристите ќе донесат рекордни 800 милијарди евра во Европа во 2024-та. 

Новиот извештај на Европската комисија за патувања (ETC) за туристичките трошоци и трендовите на патувања, објавен во вториот квартал на 2024-та година и споделен со „Bloomberg“, потврдува дека побарувачката за регионот продолжува да расте.

Се очекува меѓународните туристи да потрошат рекордни 800 милијарди евра во Европа оваа година, покажува извештајот. Ова е зголемување од 37 отсто во споредба со нивоата пред пандемијата од 583 милијарди евра, покажуваат податоците на Светската туристичка организација на ОН. Бројот на меѓународни туристички пристигнувања е исто така зголемен за 6 oтсто во однос на 2019-та година досега, покажува извештајот, што е нов рекорд за Европа.

Американците го водат овогодинешниот туристички бум во Европа, се додава во извештајот, а 72 отсто од рекордните туристички трошоци досега се насочени кон дестинации во Западна Европа.

foto freepik.com