Амбер Херд стана мајка на близнаци
Амбер Херд ја објави среќната вест – дека станала мајка на близнаци, ќерката Агнес и синот Оушн, со што го завршила својот „семеен план“.
Актерката, која веќе ја има четиригодишната ќерка Уна Пејџ, ја сподели оваа информација на Инстаграм по повод Денот на мајките.
-Никогаш нема да го заборавам денешниот Ден на мајките во 2025 година. Оваа година сум без зборови да го прославам завршувањето на семејството што се обидував да го изградам со години, напиша Херд.
-Мојата ќерка Агнес и мојот син Оушн ми ги полнат рацете (и срцето). Кога ја добив мојата прва ќерка Уна пред четири години, мојот свет се промени засекогаш. Мислев дека не можам да бидам посреќна. Па, сега сум три пати посреќна. Да станам мајка под мои услови, и покрај моите сопствени предизвици со плодноста, беше најпонизно искуство во мојот живот, додаде таа.
„Вечно сум благодарна што можев да го направам овој одговорен и внимателен избор. На сите мајки, каде и да сте денес и како и да стигнавте до тука, моето семејство од соништата и јас славиме со вас. Секогаш со љубов, Ах.“
Портпаролот на актерката потврди за „Пипл“ дека „Амбер и бебињата уживаат во секоја минута.
