Амбасадата на САД во Скопје со ограничени објави поради „shutdown“ во Америка

Амбасадата на САД во Скопје денеска соопшти дека нивната официјална сметка нема да се ажурира редовно сè додека не се обезбедат средства за целосно функционирање на институциите во САД.

„Поради прекин на финансирањето, оваа сметка нема редовно да се ажурира сè додека не се обноват целосните операции. Објавите ќе бидат ограничени само на итни информации поврзани со безбедност и сигурност,“ се наведува во соопштението на Амбасадата.

Оваа состојба е резултат на т.н. „government shutdown“ во САД, кој настанува кога Конгресот не усвои буџет или привремено финансирање, што доведува до ограничување на работата на одредени федерални институции и амбасади.