АМАЗОН ЈА НАПРАВИ НАЈГОЛЕМАТА НАРАЧКА ОД МЕРЦЕДЕС: Купува електрични камиони кои ќе возат низ Европа

Мерцедес има нов електричен камион, eActros 600, кој беше претставен
минатата есен, но почна да се произведува кон крајот на 2024 година. Станува
збор за камион со огромна батерија од 600 kWh, која треба да му обезбеди 500
километри автономија, односно
максимално поминато растојание и е првиот сериски модел со амблем на
Mercedes кој дебитира со технолошка
структура од 800 волти, пишува HAK Revija.

Мерцедес објави дека ја добил најголемата нарачка за
електрични камиони во својата историја, 200 камиони, а барањето доаѓа директно од компанијата на Џеф
Безос, Амазон.

Електричните камиони сега нарачани од Амазон ќе работат низ
Европа и ќе превезуваат контејнери за испорака од пристаништата до
дистрибутивните центри и обратно. Околу 140 камиони ќе работат во Велика
Британија и уште 50 во Германија. Севкупно, новите камиони ќе превезуваат околу
350 милиони пакети со нулта емисија годишно, или речиси еден милион пакети
дневно.

Инженерите на Mercedes се горди на својата задна оска со
интегрирани електрични мотори, а батериите тежат 4,5 тони.

фото: YouTube/Print Screen