Алкалоид: Ние не сме виновни – АЕК не сакаше да излезе на терен! (ФОТО)
На Ракометниот клуб Алкалоид му беше ускратена можноста да се закити со првиот европски трофеј во својата кратка историја затоа што од противничкиот табор не сакаа да излезат на терен. Од актуелниот освојувач на Купот на Македонија вечерва објаснија зошто не се одигра натпреварот и во исто време се заблагодарија на сите кои дојдоа во „Борис Трајковски“.
„Почитувана публико,
ОГРОМНА БЛАГОДАРНОСТ за Вашата поддршка која ни ја дадовте во СЦ „Борис Трајковски“ вечерва. Беше убаво да се видат полни трибини, како во еден глас навиваат за нашиот клуб и даваат поддршка. За жал, не по наша вина, финалниот натпревар со РК АЕК од Атина не се одигра поради тоа што противничкиот тим не сакаше да излезе на терен и да го одигра реваншот.
Нашиот клуб е во константна комуникација со ЕХФ за понатамошниот исход од дуелот и за него ќе бидете известени преку нашите официјални клупски гласила. Уште еднаш, големо БЛАГОДАРИМЕ за сите што дојдовте во сала и му ја дадовте Вашата поддршка на РК Алкалоид!
Со почит,
Ракометен клуб Алкалоид“, стои во објавата на колективот од Автокоманда.
