Алкалоид го декласира Охрид, Пролет подобар од Прилеп

Ракометарите на Кире Лазаров тргнаа фуриозно од почетокот на мечот и отворија со серија од 5-0, но Охрид се созема и ја врати неизвесноста (8-9), меѓутоа гостите повторно влегоа во ритам и на паузата заминаа со 16-10.

Алкалоид доминираше на теренот и во второто полувреме, додека Охрид се обидуваше да се врати резултатски во натпреварот, но залудно затоа што гостите беа расположени и во одбраната и во нападот.

Најдобар во победничкиот тим беше Марко Митев со девет голови, додека Гал Цицар постигна шест погодоци за Охрид.

Пролет беше подобар ривал во првото полувреме, кое му припадна со 17-13, по што Прилеп израмни на 19-19 во вторите 30 минути, меѓутоа домаќинот не дозволи драматична завршница и славеше со 30-25.

Палевски беше најдобар кај Пролет со пет погодоци, додека Кастратовиќ постигна пет голови за Прилеп.