![Алиу: Разрешување на Абази и Абдију, долевање масло на огнот од ДУИ](https://novina.mk/wp-content/uploads/2024/02/azir-aliu-jpg.webp)
Алиу: Разрешување на Абази и Абдију, долевање масло на огнот од ДУИ
Министерот за информатичко општество и администрација Азир Алиу вечерва пред Владата ги обвини ДУИ и министерот Артан Груби во врска со одлуката на Владата за разрешување на Бујаре Абази и Газменд Абдију.
„Артан Груби без да ги прочита ги отфрли, а техничкиот премиер даде само „амин“. Исто така сакам да ве информирам дека од вчера група на Алијанса за Албанците врши голем притисок врз директорите за да бидат на нивна страна. Исто така, на денешната седница на Владата имавме точка на дневен ред – разрешување на двајца директори од Алијансата за Албанците. Едната е г-ѓа Бујаре Османи, директор на Пошта Македонија, а вториот директор е Газменд Абдија. И двајцата се активисти на Алијансата и ова го гледаме како долевање масло на огнот од страна на ДУИ, додека за жал се договорија со двајца наши заменици министри – Тирон Јајага и Вјолца Бериша, кои за жал гласаа за разрешување на овие двајца директори“, рече Алиу.