Алиу: Исправки во законот за здравство за подобро планирање на кадри и ангажман по пензионирање
Министерството за здравство ја отвори јавната расправа за измените и дополнувањата на Законот за здравствената заштита, со цел подобрување на условите за работа и управување во здравствениот систем. Предлог-измениот закон е објавен на Единствениот национален електронски регистар на прописи (ЕНЕР), а сите засегнати страни можат да достават забелешки и сугестии кои ќе бидат разгледани согласно утврдената процедура.
Министерот за здравство, Азир Алиу, појасни дека промените се базираат на принципите на транспарентност и отчетност, а целта е усогласување со реалните потреби на здравствениот систем. Измените се однесуваат на постапката за вработување здравствени работници и соработници, статусот на директорите на јавните здравствени установи, специјализациите и супспецијализациите, како и условите за пензионирање и ангажирање на здравствени кадри по пензионирањето.
Меѓу клучните измени е приоритетното вработување на најдобрите дипломирани доктори на медицина од домашните факултети, кои нема да поминуваат селекциска постапка, туку директно ќе се вработуваат во јавните здравствени установи. Составот на комисијата за селекција на кандидатите ќе го предлага стручниот колегиум на секоја установа, а директорот е должен да го вработи најдобро рангираниот кандидат.
Дополнително, Владата ќе одредува број на приватни специјализации и супспецијализации, согласно потребите за медицински кадри, а за искусните доктори од дефицитарни области се овозможува продолжување на ангажманот до 70 години, со задржување на пензијата, врз основа на согласност од Министерството за здравство и Фондот за здравственото осигурување.
Со овие мерки, се очекува зголемување на квалитетот на здравствената услуга и подобро планирање на кадрите во јавните здравствени установи.
