Алити за дојавите за бомби: МВР работи по стар систем, со новите алатки во 95 отсто од случаите може да констатира дали дојавата е лажна
Поранешниот министер за информатичко општество Адмирим Алити во интервју за „Макфакс“ зборување и за дојавите за поставени бомби во училиштата низ Македонија.
Според него, тие понудиле решение, но истото останало блокирано.
„Донесовме и сајбер сигурност стратегија за четири години кои не се усвоени… Планот беше оваа година да се креира и Агенција за сајбер сигурност која ќе биде одговорна, но и алатка за справување со дојавите на бомби“, вели Алити.
Тој додава дека кај нас за дојавите се работи само во Министерството за внатрешни работи кое има постар систем, кој вели дека доколку има дојава мора лично полициски службеници на МВР да одат на терен и да проверат.
„Да имаме Агенција за сајбер сигурност, ќе имаме алатки која во 95% од случаите може да констатираат дали некоја дојава е лажна, и не треба МВР да оди на лице место“, вели Алити.
