Али Ахмети утрово прв на гласање – точно во 7 часот за достоинство и иднина каде секој се чувствува еднаков и почитуван!

Лидерот на Демократска унија за интеграција (ДУИ), Али Ахмети утрово како прав лидер гласаше точно во 7 часот на вториот круг од локалните избори.

Тој се појави на избирачкото место веднаш по отворањето, и порача дека гласал за ден со достоинство, и за иднина каде секој граѓанин се чувствува еднаков.

„Денес гласав со убедување и посветеност на човек кој длабоко верува во патот на мирот, еднаквоста и достоинството. Гласав за ден со достоинство, за иднина каде што секој граѓанин се чувствува еднаков и почитуван во својата земја. Гласањето е одговорност, тоа е доверба и тоа е обврска кон идните генерации“, напиша Ахмети.