АЛБАНИЈА ДOЖИВУВА ТУРИСТИЧКИ БУМ: Колку странци ја посетиле земјата лани?
Албанија лани ја посетиле рекордни 11,7 милиони странски туристи. Западниот сосед доживува туристички бум.
Министерката за туризам и животна средина, Мирела Кумбаро, вели дека имаат зголемување од 15,2 отсто на бројот на туристи во однос на 2023 година. Има гости од регионот, од Европа, но и од подалечни земји. Приходите од туризмот за девет месеци минатата година изнесувале повеќе од 3,8 милијарди евра.
„Покрај зголемувањето на туристичките пристигнувања од земјите во регионот, 2024 година го потврди растот и стабилноста на пазарите од Западна Европа како Италија, Германија, Франција или Обединетото Кралство и ја прошири картата на далечните пазари од далечните азиски и американските пазари, придружени со извонредното влијание врз економијата“, напиша Кумбаро на Фејсбук.
Бројките ги објави и премиерот Еди Рама и напиша дека 2024 е една рекордна година која докажала дека Албанија не е само куриозитет на моментот, туку конечно го отворила својот пат кон одржлив раст во бројки.
Голем број Македонци, односно околу половина милион лани ја посетиле Албанија.
Албанија е на прво место во Европа по раст на туризмот и втора во светот по Катар.
foto Wikipedia/ Pudelek
