Алармантно кај Злеово, пожарот стигна над куќите во селото

Сериозна противпожарна состојба вечерва кај радовишкото село Злеово.

Според итниот апел објавен од фудбалскиот клуб Ф.К. Слога – Злеово, пожарот веќе се приближил до куќите над селото и постои реална опасност по имотот и безбедноста на жителите.

„ВОНРЕДНА СОСТОЈБА Пожарот станува сè посериозен и е сè поблиску до селото. Апелираме до сите што можат и сакаат да помогнат – да дојдат веднаш!“, се вели во објавата на клубот од 28 јули.

Жителите организирано се обидуваат да го спречат ширењето на огнената стихија, но потребна е итна помош од институциите, пожарникари и доброволци.