„Ако Иран добие нуклеарно оружје, ние мора да го добиеме“

Саудискиот престолонаследник Мохамед бин Салман предупреди дека ако Иран се здобие со нуклеарно оружје, Саудиска Арабија ќе го стори истото.

„Ако Иран добие нуклеарно оружје, ние мора да го добиеме“, изјави саудискиот принц во интервју за Фокс њуз вчера. Иран, од друга страна, негира дека сака нуклеарно оружје.

Врските меѓу Ријад и Техеран се подобрија по договорот во март, со посредство на Кина, за повторно воспоставување дипломатски односи меѓу двете земји по седум години без формални врски.

Бин Салман рече дека Иран е сериозен во напорите за помирување со Саудиска Арабија.

Разговарајќи за напорите за нормализирање на односите меѓу Саудиска Арабија и Израел, принцот изрази оптимизам за постигнатиот напредок, велејќи: „Секој ден се приближуваме“.

Тој негираше дека преговорите со Израел со посредство на САД биле прекинати.